1 Awo olunaku lwa Pentekoote bwe lwatuuka, bonna baali wamu mu kifo kimu.
2 Amangu ago okuwuuma ne kuba mu ggulu ng'empewo ewuuma n'amaanyi, ne kujjuza ennyumba yonna mwe baali batudde.
3 Ne kulabika ku bo ennimi ng'ez'omuliro nga zeeyawuddemu: buli lulimi ne lutuula ku muntu.
4 Bonna ne bajjula Omwoyo Omutukuvu, ne batanula okwogera ennimi endala, nga Omwoya bwe yabawa okuzoogera.
5 Waaliwo mu Yerusaalemi Abayudaaya nga batudde, abantu abeegendereza, abaava mu buli ggwanga ly'abantu wansi w'eggulu.
6 Okuwuuma okwo bwe kwabaawo, ekibiina ne kikuŋŋaana ne kisamaalirira, kubanga baawulira buli muntu nga boogera mu lulimi lw'ewaabwe,
7 Ne bawuniikirira bonna, ne brewuunya, nga boogera nti Laba, bano bonna aboogera si Bagaliraayai.
8 Era kiki ffe buli muntu okuwulira olulimi lw'ewaffe gye twazaalibwa?
9 Abapaazi n'Abameedi, n'Abeeramiti, n'abali mu Mesopoumiya, mu Buyudaaya ne Kapadokiya, mu Ponto ne mu Asiya,
10 mu Fulugiya ne mu Panfuliya, mu Misiri ne mu nsi ez'e Libuwa eziriraanye Kuleene, n'Abaruumi abagenyi. Abayudaaya n'abakyufu,
11 Abakuleete n'Abawalabu, tuwulira bano nga boogera mu nnimi zaffe eby'ekitalo ebya Katonda.
12 Bonna ne beewuunya ne babuusabuusa no bagambagana nti Amakulu gaakyo kiki kino?
13 Naye abalala no babasekerera ne bagamba nti Beumidde omwenge omusu.
14 Naye Peetero bwe yayimirin ne bali ekkumi n'omu, n'ayogeren waggulu n’abagamba nti Abasajja Abayudaaya n'abatuula mu Yerusaalemi mwenna, mutegeere kina, mutegere amatu ebigambo byange.
15 Kubanga bano tebatamidde, nga mmwe bwe mulowooza; kubanga ye ssaawa ey'okusatu ey'emisana.
16 Naye bino bye byayogerwa nnabbi Yoweeri nti
17 Olulituuka mu nnaku ez'oluvannyuma, bw'ayogera Katonda, Ndifuka ku omwoyo gwange ku balina omubiri bonna: Batabani tammwe ne bewala bammwe baliragula, N'abalenzi bammwe balinha okwolesebwa, N'abakadde bammwe balirowa ebirooto:
18 Weewaawo, ne ku baddu bano n'abazaana bange mu nnaku ziri Ndibafukira ku Mwoyo gwange, baliragula.
19 Ndireeta eby'ekitalo mu ggulu waggulu N'obubonero mu nsi wansi, Omusaayi n'omuliro n'okunyooka kw'omukka.
20 Enjuba erifuuka ekizikiza, N'omwezi okuba omusaayi, Olunaku lwa Mukama Olukulu olulitenderezebwa nga terunnaba kujja.
21 Olulituuka buli alisaba erinnya lya Mukama alirokoka.
22 Abasajja Abaisiraeri, muwulire bigambo bino. Yesu Omunazaaleesi, omuntu eyabalagibwa Katonda mu bigambo eby'amaanyi n'eby'anagero n'obubonero, Katonda bye yamukozanga wakati mu mmwe, nga mmwe bwe mumanyi;
23 oyo bwe yaweebwayo nga Katonda bwe yasooka okuteesa n'okumanya, mwanutwala ne mumukomerera n'emiuno gy'abantu ababi, ne mumutta.
24 Naye oyo Katonda yamuzuukiza, we yasumulula okulumwa kw'okufa: kubanga tekwayinza kumunyweza.
25 Kubanga Dawudi mwogerako nti Nnalaba Mukama ennaku zonna mu maaso gange, Kubanga ali ku mukono gwange ogwa ddyo, nneme okusagaasagana.
26 Omutima gwange kyegwava gwesiima, olulimi lwange ne lusanyuka; Era n'omubiri gwange gunaabeeranga mu ssuubi:
27 Kubanga tolindeka bulamu bwange mu, Magombe, So toliwaayo Mutukuvu wo kuvunda.
28 Wanjigiriza amakubo g'obulamu; Olinjijuza essanyu n'amaaso go.
29 Abasajja ab'oluganda, nnyinza kwogerera n'obuvumu mu maaso gammwe ebya jjajjaffe omukulu Dawudi nti yafa n'aziikibwa, n'amalaalo ge gali waffe ne kaakano.
30 Kale, bwe yali nnabi, bwe yamanya nga Katonda yamulayirira ekirayiro, nti mu bazzukulu b'omu ntumbwe ze alituuzaako omuntu ku ntebe ye;
31 bwe yalaba lubereberye, n'ayogera ku kuzuukira kwa Kristo nga teyalekebwa mu Magombe so nga n'omubiri gwe tegwavunda.
32 Yesu oyo Katonda yamuzuukiza, fenna ffe bajulirwa.
33 Awo bwe yalinnyisibwa ku mukono ogwa ddyo ogwa Katonda, n'aweebwa okusuubiza kw'Omwoyo Omutukuvu eri Kitaawe, afuse kino kye mulabye kaakano kye muwulidde.
34 Kubanga Dawudi teyalinnya mu ggulu, naye yayogera yennyini nti Mukama yagamba Mukama wange nti Tuula ku mukono gwange ogwa ddyo,
35 Okutuusa lwe nditeeka abalabe bo okuba entebe y'ebigere byo.
36 Kale mazima bamanye ennyumba yonna eya Isiraeri nti Katonda yamufuula Mukama era Kristo, Yesu oyo gwe mwakomerera.
37 Awo bwe baawulira ebyo emitima gyabwe ne gibaluma, ne bagamba Peetero n'abatume abalala nti Abasajja ab'oluganda, tunaakola tutya?
38 Peetero n'abagamba nti Mwenenye, mubatizibwe buli muntu mu mmwe okuyingira mu linnya lya Yesu Kristo okuggibwako ebibi byamalwe, munaaweebwa ekirabo gwe Mwoyo Omutukuvu.
39 Kubanga okusuubizibwa kwammwe era kwa baana bammwe n'abo bonna labali ewala, bonna abaliyitibwa Mukama Katonda waffe.
40 Era n'abategeeza mu bigambo ebirala bingi n'ababuulirira ng'agamba nti Mulokolebwe mu mirembe gino egyakyama.
41 Awo abakkiriza ekigambo kye ne babatizibwa: ne bongerwako ku hlnaku luli abantu ng'enkumi ssatu.
42 Ne baba nga banyiikiriranga okuyigirizibwa kw'abatume, ne mu kusseekimu, ne mu kumenya emigaati ne mu kusaba.
43 Buli muntu n'atya: eby'amagero bingi n'obubonero ne bikolebwanga abatume.
44 Bonna abakkiriza baali wamu, ne baba nga bassa kimu mu byonna,
45 eby'obugagga byabwe n'ebintu bye baali nabyo ne babitunda ne bagabiranga bonna nga buli muntu bwe yali yeetaaga.
46 Nabo nga banyiikiriranga bulijjo n'omwoyo gumu mu yeekaalu, nga bamenya emigaati mu nnyumba eka, ne balyanga emmere n'essanyu n'omutima ogutalina bukuusa,
47 nga batenderezanga Katonda, nga basiimibwanga abantu bonna. Mukama n'abongerangako bulijjo abaalokokanga.